Voice of Eastern
ताज्या बातम्यामोठी बातमीशहर

माघी गणेशोत्सवानिमित्त कल्याणमध्ये साकारणार ७० फूट भव्य श्रीराम मंदिर प्रतिकृती

banner

कल्याण :

माघी गणेशोत्सवाला अवघे काही दिवस शिल्लक राहिले असून कल्याणात ७० फुटी अतिभव्य अशा श्रीराम मंदिराची प्रतिकृती साकारण्यात येणार आहे. कल्याण पश्चिमेचे आमदार विश्वनाथ भोईर यांच्या संकल्पनेतून कल्याण पश्चिमेच्या श्री कॉम्प्लेक्स परिसरातील आत्माराम भोईर चौकात हा उपक्रम आयोजित हा करण्यात आला आहे.

कल्याण पश्चिमेचे आमदार विश्वनाथ भोईर यांच्या शिवप्रेमी माघी गणेशोत्सव मंडळातर्फे दरवर्षी अतिशय भव्य दिव्य स्वरूपात माघी गणेशोत्सव साजरा केला जातो. यंदा माघी गणेशोत्सवाचे ३० वे वर्ष असून अयोध्येत प्रभू श्रीरामलल्ला भव्य दिव्य अशा मंदिरामध्ये विराजमान झाले आहेत. त्यामुळे यंदाच्या माघी गणेशोत्सवामध्ये आपण प्रभू श्रीराम मंदिराची प्रतिकृती साकारण्याची इच्छा अनेक नागरिक आणि कार्यकर्त्यांनी व्यक्त केली होती. त्यानुसार कल्याण पश्चिमेच्या श्री कॉम्प्लेक्स परिसरातील आत्माराम भोईर चौकात या भव्य मंदिर प्रतीकृतीचे काम सुरू असल्याची माहिती आयोजक आणि आमदार विश्वनाथ भोईर यांनी प्रसिध्दी माध्यमांशी बोलताना दिली. तसेच राज्याचे मुख्यमंत्री एकनाथ शिंदे हेदेखील त्यांच्या वेळेनुसार याठिकाणी दर्शनासाठी येणार असल्याचे त्यांनी सांगितले.

अयोध्येत अतिशय भव्य दिव्य स्वरूपात प्रभू श्रीराम मंदिराचा सोहळा झाला आणि या मंदिरात प्रभू श्रीराम हे विराजमान झाले आहेत. मात्र या मंदिराचा सोहळा झाल्यापासून दररोज लाखो भक्त याठिकाणी दर्शनासाठी भेट देत आहेत. तर अनेक भक्तांची इच्छा असूनही त्यांना अयोध्येला जाणे शक्य होत नाही. त्यामुळे नागरिकांच्या इच्छेनुसार कल्याण पश्चिमेमध्ये पहिल्यांदाच इतकी भव्य प्रतिकृती साकारण्यात येत आहे. ही प्रतिकृती ४० फूट लांब, ९० फूट रुंद आणि ७० फूट उंच इतकी भव्य असणार आहे. ज्याठिकाणी भक्तांना थेट आतमध्ये प्रवेश करून या मंदिराची रचना पाहता येणार आहे. येत्या १३ फेब्रुवारी रोजी माघी गणेशोत्सवाला प्रारंभ होणार असून पुढील आठवडाभर म्हणजे १९ फेब्रुवारीपर्यंत नागरिकांना ही प्रतिकृती पाहण्याची संधी मिळणार आहे.

Related posts

डिजिटल बालवाडीच्या माध्यमातून बालकांना मिळणार दर्जेदार शिक्षण – महिला व बालविकास मंत्री मंगलप्रभात लोढा

…या कारणामुळे मुलांच्या लसीकरणाला येईल वेग

Voice of Eastern

अभियांत्रिकी पदवीकडे गतवर्षीच्या तुलनेत विद्यार्थ्यांचा ओढा वाढला

Leave a Comment