मुंबई :
आशिया खंडातील सर्वात मोठी वसाहत विक्रोळीच्या कन्नमवार नगरची ओळख आहे. या ठिकाणी मोठी कामगार वस्ती आहेत. या भागातून थेट दादरला जाणारी ३५४ ही एकमेव बस होती. या बसचा मार्ग बेस्ट प्रशासनाने बदललेला आहे. या नव्या मार्गाला भारतीय जनता पक्षाने विरोध केला आहे. या मार्गाला मोठी मागणी असतानादेखील बसचा मार्ग बदलण्यात आला आहे. हा मार्ग पूर्ववत करावा यासाठी आज भारतीय जनता पक्षाने माजी आमदार मंगेश सांगळे यांच्या मार्गदर्शनाखाली व प्रथमेश राणे व केतकी सांगळे यांच्या नेतृत्वाखाली आज सह्यांची मोहीम कन्नमवार नगर जनता मार्केट येथे राबविली.
बसला चांगला प्रतिसाद असताना चुकीचं सर्वेक्षण करून ही बस वडाळा आगारपर्यंत करण्यात आली. यामुळे या भागातील नागरिक संतप्त झाले आहेत. जर आता दादरला जायचे झाले तर दोन बस बदलाव्या लागतात. या ठिकाणी अनेक वर्षापासून ही बस सेवा सुरू होती मात्र काहीही कारण नसताना ३५४ या बसचा मार्ग बदलण्यात आला आहे. हा मार्ग पुन्हा सुरू व्हावा यासाठी आज भारतीय जनता पक्षातर्फे सह्यांची मोहीम राबवण्यात आली. जर ही सेवा काही दिवसात पूर्ववत केली नाही तर जोरदार आंदोलन करू असा इशाराही भारतीय जनता पक्षातर्फे देण्यात आला आहे.
कन्नमवार नगर येथून ३५४ ही बस थेट छत्रपती शिवाजी पार्क येथे जात होती. यामुळे या भागातील लोकांना दादर रेल्वे स्टेशन छत्रपती शिवाजी पार्क चैत्यभूमी या ठिकाणी जाता येत होते. मात्र गेल्या एक महिन्यापासून या बसचा मार्ग बदलण्यात आला. यामुळे या भागातील नागरिकांची गैरसोय होत आहे. यासाठी आज भारतीय जनता पक्षातर्फे सह्यांची मोहीम घेण्यात आली आली होती. जरा मार्ग पूर्ववत केला नाही तर जोरदार आंदोलन भारतीय जनता पक्षातर्फे करण्यात येईल असा इशारा माजी आमदार मंगेश सांगळे यांनी दिला आहे.
