Voice of Eastern

सातारा :

महाराष्ट्र बॉडीबिल्डर्स असोसिएशनच्या वतीने वाई येथे झालेल्या स्पोर्टिका श्री राज्यस्तरीय शरीरसौष्ठव स्पर्धेवरही मुंबईकर सागर कातुर्डेने आपले वर्चस्व प्रस्थापित करत गेल्या महिन्याभरात सलग आठवी स्पर्धा जिंकण्याचा पराक्रम केला.

सागर कातुर्डेसाठी यंदाचे वर्ष नॉनस्टॉप यशाचे ठरले आहे. पिंपरी चिंचवड येथे झालेल्या दमदार आमदार श्रीपासून सुरू झालेला त्याचा जेतेपदाचा सिलसिला नागपूरच्या खासदार चषक, चेंबूर श्री, पोयसर जिमखाना श्री, अंधेरी श्री, सातारची बाळराजे श्री, कुर्ल्याची आमदार श्री आणि वाईची स्पोर्टिका श्रीपर्यंत नॉनस्टॉप आहे. विजेत्यांवर पुरस्कारांचा वर्षाव करणार्‍या या स्पर्धेत सागरने हरमीत सिंग, उमेश गुप्ता, उदय देवरे यांच्यावर मात करत बाजी मारली. मुंबई उपनगरचा हरमीत सिंग उपविजेता ठरला. तसेच मेन्स फिजीक प्रकारात मन्सुरी शहा आणि कौतुक हडकर यांनी अव्वल स्थान पटकावले. स्पर्धेचा पुरस्कार वितरण सोहळा शरीरसौष्ठव संघटनेचे संजय मोरे, अजय खानविलकर, राजेश सावंत, विजय झगडे, मदन कडू, आयोजक संतोष शिंदे, संजय चव्हाण आणि संजय मालुसरे यांच्या उपस्थितीत पार पडला.

स्पोर्टिका श्री स्पर्धेचा निकाल

५५ किलो : १. दीपक कांबळे (पुणे), २. गितेश मोरे (रायगड), ३. अक्षय गवाणे (मुंबई उपनगर), ४. संजय भोपी (रायगड), ५. निरंजन पाताडे (सातारा)
६०किलो : १. हर्षल काटे (पुणे), २. गणेश पाटील (रायगड), ३. अरुण दास (इंडियन नेव्ही), ४. प्रशांत घोलम (मुंबई उपनगर), ५. रोहन भोसले (मुंबई)
६५ किलो : १. निलेश घोंडे ( पुणे ), २. नरेंद्र वाल्हेकर (पुणे), ३. संकेत भरम ( मुंबई ), ४. अनिल जयस्वाल ( मुंबई उपनगर ), ५. मयूर मोरे ( पुणे )
७० किलो : १. उमेश गुप्ता ( मुंबई ), २. उमेश पांचाळ ( मुंबई उपनगर), ३. विलास घडवले ( मुंबई ), ४. रविंद्र माने (इंडियन नेव्ही), ५. अक्षय दांडेकर ( कोल्हापूर)
७५ किलो : १. उदय देवरे (रायगड), २. संतोष भरणकर (मुंबई उपनगर), ३. गणेश दुसारीया (संभाजीनगर ), ४. नदीम अन्सारी (मुंबई उपनगर), ५. श्रीकांत भोईर (रायगड)
८० किलो : १. ओमकार पाडळकर (कोल्हापूर), २. आकाश खोत ( मुंबई उपनगर), ३. संदेश नलावडे (पुणे), ४. अमित साटम (मुंबई उपनगर), ५. गणेश उपाध्याय (मुंबई)
८५ किलो : १. सागर कातुर्डे (मुंबई), २. प्रणव खातू (मुंबई), ३. मिथुन ठाकूर ( पुणे), ४. फिरोज शेख (पुणे), ५. अमर गाडे (नाशिक)
८५ किलोवरील : १. हरमित सिंग (मुंबई उपनगर), २. उबेद पटेल (मुंबई उपनगर), ३. अभिषेक लोंढे (मुंबई), ४. प्रणव सुदेवाड (नांदेड), ५. सोहम चाकणकर (पुणे).

  • किताब विजेता – सागर कातुर्डे (मुंबई )
  • उपविजेता – हरमित सिंग (मुंबई उपनगर)

Related posts

राष्ट्रसंत तुकडोजी महाराजांवर चित्रपट निर्मितीची आवश्यकता

Voice of Eastern

कोरोना विधवांची राज्य सरकारकडून चेष्टा; ‘मिशन वात्सल्य’ अभियान अपयशी

ठाणेवैभव आंतरकार्यालयीन क्रिकेट : पंकज सावंतचे विकेट्सचे पंचक

Leave a Comment