महिला रुग्णाची प्रजनन क्षमता कायम राखली
नवी मुंबई, ८ मे २०२५:अपोलो हॉस्पिटल्स नवी मुंबई ने ३० वर्षीय सुनीता देवी (नाव बदललेले आहे) महिलेच्या गर्भाशयातील डर्मॉइड सिस्ट (त्वचेखालील उती) काढून टाकण्यासाठी मिनिमल इन्व्हेसिव्ह रोबोटिक शस्त्रक्रिया यशस्वीरित्या केली, ज्यामुळे तिची प्रजनन क्षमता कायम राखली गेली.
या महिलेची मासिक पाळी अनियमित होती आणि गर्भधारणा होण्यास त्रास होत होता, तिच्या नियमित तपासणी दरम्यान हे निदान झाले होते. गायनॅकोलॉजिस्ट, रेडिओलॉजिस्ट आणि फर्टिलिटी तज्ञांच्या पथकाने सर्वोत्तम उपचार प्रदान करण्यासाठी सहकार्य केले.
अल्ट्रासाऊंड (यूएसजी) आणि एमआरआय स्कॅनमध्ये ६-७ सेमी व्यासाचे डर्मॉइड सिस्ट दिसून आले. अशा प्रकरणांमध्ये औषधे उपयोगी ठरत नसल्यामुळे ते शस्त्रक्रियेने काढणे आवश्यक होते. जास्तीत जास्त सुरक्षितता सुनिश्चित करण्यासाठी आणि गर्भाशयाचे कार्य कायम राखण्यासाठी, डॉक्टरांनी रोबोटच्या सहाय्याने कमीत कमी इन्व्हेसिव्ह शस्त्रक्रियेचा पर्याय निवडला.
या प्रगत तंत्रामुळे, रक्तस्त्राव खूपच कमी झाला, सिस्ट अचूकपणे काढता आले आणि रुग्ण लवकर बऱ्या होऊ शकल्या. या महिलेला सर्जरीनंतर २४ तासांच्या आत घरी पाठवण्यात आले आणि शस्त्रक्रियेनंतर २-३ महिन्यांत ती गर्भवती राहण्याचा प्रयत्न करू शकेल अशी अपेक्षा आहे.
डॉ.तृप्ती दुबे, सिनियर कन्सल्टन्ट-प्रसूती, स्त्रीरोग आणि रोबोटिक सर्जरी, अपोलो हॉस्पिटल्स नवी मुंबई यांनी या प्रक्रियेबद्दल सांगितले की,”रोबोटच्या मदतीने शस्त्रक्रिया ही स्त्रीरोगविषयक आजारांच्या उपचारांमध्ये एक मोठी प्रगती आहे, ज्यामुळे अचूकपणे उपचार करता येतात व रुग्णाची तब्येत जलद गतीने सुधारते. गर्भाशयाचे कार्य कायम राखून, आम्ही आमच्या रुग्णाला नैसर्गिकरित्या गर्भधारणा करण्याची आणि निरोगी जीवन जगण्याची सर्वोत्तम संधी देत आहोत.”
श्री अरुणेश पुनेथा, पश्चिम विभाग-सीईओ, अपोलो हॉस्पिटल्स नवी मुंबई यांनी सांगितले,”अपोलो हॉस्पिटल्समध्ये, आम्ही अत्याधुनिक तंत्रज्ञानासह तज्ञ वैद्यकीय सेवेचा मेळ घालणारे जागतिक दर्जाचे आरोग्यसेवा उपाय प्रदान करण्यास वचनबद्ध आहोत. ही केस आरोग्यावर चांगले परिणाम सुनिश्चित करण्यासाठी नियमित तपासणी आणि लवकर निदानाचे महत्त्व अधोरेखित करते.”
डर्मॉइड सिस्ट म्हणजे कर्करोग नसलेल्या ओव्हरीची वाढ झालेली असते, ज्यात केस, चरबी आणि वेगवेगळ्या जंतूंच्या थरांमधून येणाऱ्या ऊती देखील असू शकतात. साधारणपणे याची कोणतीही लक्षणे दिसून येत नाहीत, परंतु याचा प्रजनन आरोग्यावर परिणाम होऊ शकतो आणि शस्त्रक्रिया करून ते काढून टाकावे लागू शकते.
नियमित स्त्रीरोग तपासणी करून घेत असाल तर हा त्रास लवकर ओळखण्यात आणि त्यावर वेळेवर उपचार करता येऊ शकतात, ज्यामुळे महिलेचे एकूण आरोग्य आणि कल्याण चांगले राहण्यात मदत होते. अपोलो हॉस्पिटल्स वैद्यकीय उत्कृष्टतेच्या बाबतीत आघाडीवर आहे, रुग्णांच्या आरोग्याला आणि प्रजननक्षमतेला प्राधान्य देणारे नाविन्यपूर्ण उपाय प्रदान करते.
