मुंबई :
भारतरत्न डॉ. बाबासाहेब आंबेडकर यांनी स्थापन केलेल्या पीपल्स एज्युकेशन सोसायटी, मुंबई तर्फे दरवर्षी सामाजिक आणि मनोरंजन क्षेत्रात भरीव कामगिरी करणाऱ्या व्यक्तींचा सन्मान भारतरत्न डॉ. बाबासाहेब आंबेडकर पुरस्कार देऊन करण्यात येतो. यंदा हा पुरस्कार कला क्षेत्रातील उल्लेखनीय कामगिरीबद्दल प्रयोगशील नाट्यनिर्माते राहुल भंडारे यांना राज्यपाल डॉ. सी. पी. राधाकृष्णन यांच्या हस्ते प्रदान करण्यात आला.
राहुल भंडारे यांनी हा पुरस्कार आपल्या मातोश्री अंजना मधुकर भंडारे सह स्वीकारला. याप्रसंगी महाराष्ट्र राज्य, उच्च व तंत्र शिक्षण मंत्री चंद्रकांत पाटील तसेच महाराष्ट्र राज्य, सामाजिक न्याय व विशेष सहाय्य मंत्री संजय शिरसाठ हे प्रमुख अतिथी म्हणुन उपस्थित होते.
यांसह पीपल्स एज्युकेशन सोसायटी मुंबई उपाध्यक्ष पद्मश्री डॉ. सुखदेव थोरात आणि सरकारी वकील पद्मश्री पीपल्स एज्युकेशन सोसायटी मुंबई विश्वस्त ॲड. उज्वल निकम हे देखील उपस्थित होते. भारत सरकार सामाजिक न्याय राज्य मंत्री रामदासजी आठवले यांनी राहुल भंडारे यांचे अभिनंदन केले.
