मुंबई :
द चेंबूर जिमखान्याच्यावतीने तसेच महाराष्ट्र कॅरम असोसिएशन आणि मुंबई उपनगर जिल्हा कॅरम संघटनेच्या मान्यतेने ४ थी चेंबूर जिमखाना राज्य मानांकन कॅरम स्पर्धा २५ ते २७ जुलै २०२५ दरम्यान चेंबूर जिमखाना, क्रिस्टल कम्युनिटी वातानुकूलित हॉल, फेज – २ , रोड क्रमांक १६, चेंबूर ( पूर्व ), मुबई – ७१ येथे रंगणार आहे.
पुरुष एकेरी व महिला एकेरी अशा दोन गटात हि स्पर्धा खेळवण्यात येणार आहे. स्पर्धेतील प्रत्येक गटातील पहिल्या आठ विजेत्या मिळून एकंदर खेळाडूंना रोख रुपये १ लाख १० हजारांचे ईनाम, चषक व प्रमाणपत्र देण्यात येणार आहे. स्पर्धेचे प्रवेश अर्ज महाराष्ट्र कॅरम असोसिएशनच्या www.maharashtracarromassociation.com या संकेत स्थळावर उपलब्ध असून स्पर्धेत भाग घेणाऱ्या खेळाडूंनी आपली नावे जिल्हा संघटनेमार्फत दिनांक १६ जुलै २०२५ पर्यंत महाराष्ट्र कॅरम असोसिएशन, पारेख महल बिल्डिंग, सखाराम कीर मार्ग, आश्रय हॉटेलच्या मागे, शिवाजी पार्क, मुंबई येथे नोंदवावीत. अधिक माहितीसाठी भ्रमणध्वनी क्रमांक ९९८७०४५४२९ येथे संपर्क साधावा.
