मुंबई :
चार वर्षांपूर्वी एका रस्ते वाहतूक अपघातात पायाला गंभीर दुखापत झालेल्या केनियातील १७ वर्षीय मरियम अब्दल्ला मोहम्मद अली या रुग्णावर यशस्वी हिप रिप्लेसमेंट शस्त्रक्रिया करण्यात आली. मुंबईतील अपोलो स्पेक्ट्रा हॉस्पिटल येथे आव्हानात्मक हिप रिप्लेसमेंट शस्त्रक्रिया यशस्वीरित्या पार पाडण्यात आली. प्रख्यात जॉइंट रिप्लेसमेंट सर्जन डॉ. सफिउद्दीन नदवी यांच्या नेतृत्वाखाली पार पडलेल्या या शस्त्रक्रियेने मरियमला जगण्याची नवी उमेद मिळाली आणि चार वर्षांपासून सतावणाऱ्या वेदनांनाही विराम मिळाला.
चार वर्षांपूर्वी एका रस्त्यावरील अपघातानंतर तिचे मांडीचे हाड तुटले आणि मरियमचा वेदनादायक प्रवास सुरू झाला. दुर्दैवाने, शस्त्रक्रियेमुळे पायाच्या लांबीची विसंगती (LLD) आणि सतत लंगडणे यासह गुंतागुंत निर्माण झाली. तिचा पाय लहान झाल्यामुळे तिच्या नितंबाच्या हाडांवर असमान दबाव निर्माण झाला, जो कालांतराने आणखी वाढत गेला. तिच्या शारीरीक आव्हानांमध्ये आणखी भर पडली. मरियमचे वजन वाढले आणि तिच्या नितंबावर याचा अतिरिक्त ताण पडू लागला. दैनंदिन क्रिया करणे संघर्षमय ठरु लागले आणि सततच्या वेदनांमुळे तिच्या जीवनावर गंभीर परिणाम झाला. केनियामध्ये मर्यादित पर्यायांसह, मरियम आणि तिच्या कुटुंबाने भारतात प्रगत उपचारांची मागणी केली, जिथे अपोलो स्पेक्ट्रा हॉस्पिटलमध्ये तिला आशेचा किरण मिळाला.
अपोलो स्पेक्ट्रा हॉस्पिटलमध्ये आल्यानंतर मरियमची पूर्ण तपासणी करण्यात आली. डॉ. सफिउद्दीन नदवी(जॉइंट रिप्लेसमेंट सर्जन) सांगतात की, जेव्हा मरियम आमच्याकडे आली, तेव्हा तिला खूप वेदना होत होत्या आणि चालु फिरू शकत नव्हती. शस्त्रक्रियेनंतरची गुंतागुंत आणि तिचे वजन वाढल्याने तिच्या नितंबावर ताण येऊ लागला. एमआरआय स्कॅनसह मूल्यांकनांनंतर, हे स्पष्ट झाले की हिप रिप्लेसमेंट शस्त्रक्रिया ही तिला पुन्हा पुर्ववत चालता यावे आणि वेदनामुक्त आयुष्य जगता यावे यासाठी प्रभावी ठरेल.
हिप रिप्लेसमेंट शस्त्रक्रियेमध्ये सांध्याच्या हालचाली पुर्ववत करण्यासाठी विशेष डिझाइन केलेले कृत्रिम इम्प्लांटसह हिप जॉइंटचे खराब झालेले भाग बदलणे यांचा समावेश असतो. ही प्रक्रिया केवळ वेदना कमी करत नाही तर सामान्य गतिशीलता देखील पुनर्संचयित करते, ज्यामुळे रुग्णांना त्यांच्या दैनंदिन क्रियांमध्ये पुन्हा स्वातंत्र्य मिळू शकते. मरियमची स्थिती पाहता, तिच्या वेदना दूर करण्यासाठी आणि पूर्वीच्या प्रक्रियेमुळे पायाच्या लांबीची विसंगती दूर करण्यासाठी शस्त्रक्रिया करणे हा एक उत्तम पर्याय होता.
डॉ. नदवी यांनी शस्त्रक्रियेची सविस्तरपणे माहिती देत सांगितले की,या प्रक्रियेदरम्यान आम्ही काळजीपूर्वकरित्या खराब झालेले सांधे प्रगत इम्प्लांटने बदलले जे रुग्णाला स्थिरता, टिकाऊपणा आणि नैसर्गीक हालचालींकरिता मदत करते. शस्त्रक्रियेनंतर अवघ्या काही दिवसांतच ती न लंगडता चालु लागली. हिप रिप्लेसमेंट हा एक सुरक्षित आणि परिणामकारक उपचार पर्याय आहे ज्यामध्ये लवकर बरे होणे आणि अचूकतेमुळे जोखमीची शक्यता कमी करता येते.
ही शस्त्रक्रिया मरियमच्या आयुष्यातील एक टर्निंग पॉइंट ठरली. वर्षानुवर्षे, तिच्या पालकांनी तिला दैनंदिन कामांसाठी करावा लागणारा संघर्ष पाहिला होता, जो त्यांच्यासाठी देखील तितकाच त्रासदायक होता. माझ्या मुलीला दररोज लंगडताना आणि वेदनांशी संघर्ष करताना पाहून आम्हालाही तितक्याच वेदना होत होत्या. मात्र मुबंईतील अपोलो स्पेक्ट्रा हॉस्पिटलमध्ये आल्यानंतर डॉ. सफीउद्दीन नदवी आणि त्यांच्या टीमने आम्हाला प्रोत्साहन देत अचुक उपचारांनी आमच्या मुलीला पुन्हा तिच्या पायावर उभे राहण्यास मदत केली. या शस्त्रक्रियेमुळे मरियमला तिचे आयुष्य परत मिळाले आहे अशी प्रतिक्रिया तिच्या पालकांनी व्यक्त केली.
शस्त्रक्रियेनंतर, मरियमने तिचा आत्मविश्वास परत मिळवला आहे आणि आता ती पुन्हा पुढील शिक्षण सुरू करण्यास आणि तिची स्वप्नं पुर्ण करण्यास उत्सुक आहे. वेदना दूर झाल्याने तिचे शारीरिक आरोग्य तर सुधारले आहेच पण तिच्या मानसिक आरोग्यावरही सकारात्मक परिणाम झाला आहे.
प्रगत ऑर्थोपेडिक सेवा व सुविधांच्या शोधात असलेल्या आंतरराष्ट्रीय रूग्णांसाठी भारत हे एक पसंतीचे ठिकाण ठरले आहे. देशात दरवर्षी 200,000 हून अधिक प्रत्यारोपण शस्त्रक्रिया केल्या जातात. जागतिक दर्जाचे वैद्यकीय कौशल्य आणि परवडणाऱ्या दरात अत्याधुनिक उपचार या अपोलो स्पेक्ट्रा हॉस्पिटलमध्ये उपलब्ध आहेत. मरीयमचा हा संघर्षमय प्रवास इतरांसाठी नक्कीच प्रेरणादायी ठरेल.
